عمران خان آڈیو لیکس معاملہ، انکوائری ٹیم تشکیل
Oct ۰۵, ۲۰۲۲ ۱۷:۵۲ Asia/Tehran
سائفر سے متعلق چیئرمین پی ٹی آئی عمران خان کی آڈیو لیکس کے معاملے میں تحقیقات کے لئے ایف آئی اے کی انکوائری ٹیم تشکیل دے دی گئی
پاکستان کے وفاقی تحقیقاتی ادارے ایف آئی اے نے سائفر سے متعلق چیئرمین پی ٹی آئی عمران خان کی آڈیو لیکس کا جائزہ لینے کے لیے انکوائری ٹیم تشکیل دے دی ہے۔ ایف آئی اے کی جانب سے جاری کیے گئے نوٹیفکیشن کے مطابق آٹھ رکنی ٹیم میں آئی ایس آئی ، آئی ایم آئی اور آئی بی کا ایک ایک نمائندہ شامل ہو گا۔
واضح رہے کہ پاکستان کی وفاقی کابینہ نے یکم اکتوبر کو ایف آئی اے کو تحقیقات کرنے کی منظوری دی تھی ۔ آڈیو لیکس سے متعلق ایف آئی اے کی رپورٹ کابینہ میں پیش کی جائے گی .
