SAHAR

پاکستان کے سابق وزیر اعظم عمران خان نے سپریم کورٹ سے آڈیو لیک کے معاملے کی تحقیقات کا مطالبہ کیا ہے۔

پاکستانی میڈیا رپورٹوں کے مطابق پی ٹی آئی چیئر مین اور سابق وزیر اعظم عمران خان نے سپریم کورٹ سے استدعا کی ہے کہ آڈیو لیکس کی تحقیقات کے لئے جوڈیشیل کمیشن بنایا جائے۔

عمران خان نے عدالت عظمی سے درخواست کی ہے کہ وزیر اعظم ہاؤس اور پی ایم سیکریٹریٹ کے ڈیٹا کی ریکارڈنگ اور آڈیو لیکس کو غیر قانونی قرار دیا جائے۔

انھوں نے اسی کے ساتھ اپیل کی ہے کہ آڈیو لیکس کی تحقیقات کراکے ذمہ داروں کو سزا دی جائے اور حکومت نیز متعلقہ اداروں کو مزید آڈیو لیک سے روکا جائے۔

عمران خان کی اپیل میں ملک کی داخلہ، دفاع، اطلاعات اور انفارمیشن ٹیکنالوجی کی وزارتوں کے ساتھ ہی آئی بی ، ایف آئی اے اور پیمرا کو فریق بنایا گیا ہے۔