خنجراب پاس گلگت بلتستان سے چین پاکستان کے درمیان ٹرانزٹ ٹریڈ کا باقاعدہ آغاز ہوگیا ہے جس سے تجارتی سامان کے پہنچنے کا وقت کم ہوجائے گا۔

سحرنیوز/پاکستان: پاکستانی میڈیا کی رپورٹ کے مطابق چین پاکستان کے درمیان ٹرانزٹ ٹریڈ کا آغاز ہوگیا ہے۔
اس حوالے سے افتتاحی تقریب کا انعقاد سوست ڈرائی پورٹ پر کیا گیا تھا جس میں گلگت بلتستان کے کلیکٹر کسٹم، پشاور کے ٹرانزٹ ٹریڈ ڈائریکٹر، ہنزہ کے ڈپٹی کمشنر کے علاوہ دیگر اہلکاروں اور نمائندوں نے شرکت کی۔
رپورٹ کے مطابق اس تقریب میں شامل شرکاء نے کہا کہ اس ٹرانزٹ ٹریڈ سے تجارتی سامان کے پہنچنے کا وقت 70 فیصد اور لاجسٹک کاسٹ 30 فیصد تک کم ہو جائے گی اور اس سے علاقائی ممالک کے درمیان تجارتی سرگرمیوں کو فروغ ملے گا۔