پاکستان کو بگ تھری تحلیل کی امید
Apr ۱۹, ۲۰۱۶ ۲۰:۴۷ Asia/Tehran
پاکستان کرکٹ بورڈ کے چیرمین شہریار خان نے بگ تھری کی تحلیل کی امید ظاہر کی ہے۔
لاھور میں صحافیوں سے بات چیت کرتے ہوئے پی سی بی کے چیئرمین شہریارخان نے کہا کہ انہیں پوری امید ہے کہ آئی سی سی کے دبئی اجلاس کے بعد بگ تھری تحلیل کر دیا جائے گا۔
انہوں نے بتایا کہ بگ تھری کو ختم کرکے نئے نظام کو حتمی شکل دینا آئی سی سی کے اجلاس کے ایجنڈے میں شامل ہے۔ دوہزار تیرہ میں کرکٹ کی عالمی تنظیم آئی سی سی نے تین ملکوں ہندوستان، آسٹریلیا اور انگلینڈ پر مشتمل بگ تھری نظام قائم کیا تھا۔ کرکٹ کے غیر جانبدار حلقوں کی جانب سے بگ تھری سسٹم پر شدید نکتہ چینی کی جاتی رہی ہے۔
