SAHAR

روس کے صدر ولادی میر پوتن نے کہا ہے کہ اولمپک کھیلوں سے ان کے ملک کی بے دخلی ناقابل تصور ہے۔

 بعض روسی کھلاڑیوں کو ریو اولمپک سے محروم کیے جانے پر ردعمل ظاہر کرتے ہوئے صدرولادی میر پوتن نے کہا کہ عالمی اولمپک کمیٹی کی درخواست ناقابل تصور ہے۔

انہوں نے کہا کہ روسی کھلاڑیوں کا معاملہ قانونی دائرے  سے  باہر نکل کر ناقابل تصور شکل اختیار کرگیا ہے۔ صدر ولادی میر پوتن نے کہا کہ روسی کھلاڑیوں کے بغیراولمپک کھیلوں اور دیگر کھلاڑیوں کی فتح کی اہمیت کم ہوجائے گی۔

قابل ذکر ہے کہ عالمی اولمپک کمیٹی نے تقریبا سو روسی کھلاڑیوں کو ڈوپنگ کے الزام میں ریو اولمپک دوہزار سولہ میں شرکت سے محروم کردیا ہے۔