آسٹریلیا اور ویسٹ انڈیز آج آمنے سامنے، ہندوستان اور نیوزی لینڈ کی کامیابی
کرکٹ ورلڈ کپ 2019 کے آٹھویں اور نویں میچ میں ہندوستان اور نیوزی لینڈ کی ٹیموں نے کامیابی حاصل کی۔
عالمی کپ کرکٹ ٹورنامنٹ 2019 کے ایک اہم میچ میں آج آسٹریلیا اور ویسٹ انڈیز کی ٹیمیں مد مقابل ہوں گی۔ اس سے قبل کل کھیلے گئے دو میچ میں ہندوستان نے جنوبی افریقہ اور نیوزی لینڈ نے بنگلادیش کو شکست دی۔
جنوبی افریقہ اور ہندوستان کے درمیان ساؤتھمٹن میں ایونٹ کا آٹھواں میچ کھیلا گیا جس میں ساوتھ افریقہ نے پہلے بیٹنگ کرتے ہوئے ہندوستان کو 228 رنز کا آسان ہدف دیا جو ہندوستان نے 4 وکٹ کے نقصان پر پورا کرلیا جبکہ کرکٹ ورلڈ کپ کے نویں میچ میں نیوزی لینڈ نے سنسنی خیز مقابلے کے بعد بنگلادیش کو شکست دے دی۔
لندن میں کھیلے گئے کرکٹ ورلڈ کپ کے نویں میچ میں بنگلادیش کی پوری ٹیم آخری اوور میں 244 رنز پر پویلین لوٹ گئی جس کے جواب میں نیوزی لینڈ نے ایک سنسنی خیز مقابلے کے بعد مطلوبہ ہدف حاصل کر لیا۔
