SAHAR

ایران کی فٹبال ٹیم استقلال نے ایشیائی چمپین لیگ کے دوسرے ہفتے میں ، عراق کی الشرطہ فٹبال ٹیم کو تین صفر سے شکست دے دی ہے۔

ایشیائی چیمپینس لیگ کے دوسرے ہفتے کے اختتام پر ، ایران کی استقلال ٹیم دو میچوں میں فتح حاصل کرکے ، چھے پوائنٹ کے ساتھ اپنے گروپ میں سرفہرست ہے۔

قطرکی الدحیل ٹیم چار پوائنٹ کے ساتھ  دوسرے اور سعودی عرب کی الاہلی ایک پوائنٹ کے ساتھ تیسرے نمبر ہے جبکہ عراق کی الشرطہ نے اب تک ایک بھی پوائنٹ حاصل نہیں کیا ہے۔

ایران کے استقلال کلب نے ایشین چیمپینس لیگ کے پہلے ہفتے کے میچوں میں سعودی عرب کے الاہلی کلب کو پانچ دو سے ہرا دیا تھا۔

ایرانی فٹبال ٹیم استقلال، اپنے تیسرے اور فیصلہ کن میچ کے لیے ، تین روز کے بعد قطر کے الدحیل کلب کے مقابلے میں میدان میں اترے گی۔