SAHAR

ایران کی ٹیم برازیل کو شکست دے کر اسپین میں ہونے والے سیون پلیر فٹبال ٹورنامنٹ کے فائنل میں پہنچ گئی۔

ہمارے نمائند کے مطابق ایران کی سات رکنی ٹیم جمعرات کے روز ، سیون پلیر فٹبال ٹورنامنٹ کے سیمی فائنل میں برازیل کے خلاف میدان میں اتری  اور اسے چار ایک سے شکست دے دی ۔  

اس شاندار کامیابی کے بعد ایران کی سات رکنی فٹبال ٹیم ، سیون پلیر فٹبال ٹورنامنٹ دوہزار بائیس کے فائنل میں پہنچ گئی۔

ایران کی ٹیم نے گروپ میچوں میں آسٹریلیا کو شکست دی تھی جبکہ امریکہ کے مقابلے میں میچ دو دو گول سے برابر ہوگیا تھا۔ کوارٹر فائنل میں ایران کی ٹیم نے برطانیہ کو تین ایک سے شکست دے کر سیمی فائنل میں جگہ بنائی تھی ۔