SAHAR

ایران کی فٹبال ٹیم کے کوچ کا کہنا ہے کہ انگلینڈ کے مقابلے میں شکست ہمارے لئے ایک بہترین پریکٹس میچ ہونے کے مترادف ہے۔

ایران کی فٹبال ٹیم کے کوچ کارلوس کی روش نے میچ کے بعد پریس کانفرنس میں کہا ہے کہ مقابلے میں شکست ہمارے لئے ایک بہترین پریکٹس میچ ہونے کے بھی مترادف ہے اور ہمیں اس بات کا سبق ملا ہے کہ ہمیں اگلے میچوں کے لئے کس طرح کی اور زیادہ تیاری کرنا ہوگی ۔ اور ہم بہتر کھیل پیش کرنے کی کوشش کریں گے۔ ایرانی ٹیم کے کوچ کی روش نے کہا کہ ہم نے شروع سے ولز اور امریکہ کے مقابلے پر خاص توجہ دی ہے۔
انھوں نے کہا کہ ایرانی کھلاڑیوں نے دوسرے ہاف میں بہترین کھیل کا مظاہرہ کیا مگر انگلینڈ کے کھلاڑی ہر ہفتے میچ کھیلتے ہیں اور ہمارے کھلاڑیوں کے پاس ہر ہفتے اس طرح کے میچ کھیلنے کا ایسا کوئی تجربہ نہیں تھا۔