SAHAR

آئس ہاکی کے عالمی مقابلوں کے دوران ایران کی قومی ٹیم نے ملائیشیا کو شکست سے ہمکنار کیا۔

سحر نیوز/ ایران: بوسنیا میں ہونے والے ان عالمی مقابلوں کے دوران ایران کی ٹیم نے اپنے پہلے مقابلے کے تحت ملائیشیا کے سامنے شاندار کھیل کا مظاہرہ کیا اور انہیں چودہ کے مقابلے میں چار گول سے شکست دے دی۔ 
قابل ذکر ہے کہ ایران کی آئس ہاکی ٹیم کے کوچ کاوے صدقی ہیں جو خود مختلف ادوار میں ایران کی قومی ٹیم کے کپتان اور آئس ہاکی فیڈریشن کے سربراہ بھی رہ چکے ہیں ۔ بتایا جا رہا ہے کہ ایران کی ٹیم کو عالمی سطح کے چوتھے ڈویژن سے تیسرے ڈویژن میں پہنچانے کا سہرا بھی انہیں کے سر جاتا ہے۔
یاد رہے کہ بوسنیا کے شہر سرائے وو میں ہونے والے ان عالمی مقابلوں کے دوران ایران کو ہانگ کانگ، بوسنیا، کرغیزستان اور سنگاپور کا سامنا کرنا ہے۔