SAHAR

جنوبی چین کے علاقے میں متعدد دھماکوں کے نتیجے میں کم از کم چھے افراد ہلاک ہوگئے ہیں۔

عینی شاہدین کے مطابق یہ دھماکے سرکاری عمارات، شاپنگ مال، سپر مارکیٹ، ٹرانسپورٹ اسٹیشن، اسپتال، سبزیوں کی مارکیٹ جبکہ مختلف کلینیکوں میں ک‏ئے گئے۔

چین کی سرکاری نیوز ایجنسی شن ھوا نے بتایا ہے کہ یہ دھماکے گوانگشی کے جنوبی علاقے لیوژو کاؤنٹی میں ہوئے۔دھماکوں کے نتیجے میں چھے افراد ہلاک جبکہ تیرہ زخمی ہوگئے۔

دھماکوں کے بعد پولیس اور امدادی ادارے جائے وقوع پر پہنچ گئے اور امدادی کاموں کا آغاز کردیا گیا۔فوری طور پر دھماکوں کی وجہ سامنے نہ آ سکی جبکہ حکام کی جانب سے بھی اب تک کوئی مؤقف سامنے نہیں آیا۔