SAHAR

ترکی کی حکومت نے فرانس کو اجازت دی ہے کہ وہ داعش دہشت گردوں کے خلاف فوجی حملے کے لئے اس ملک کی فضائی حدود سے استفادہ کرسکتا ہے-

ترکی کے اخبار ڈیلی صباح نے لکھا ہے کہ فرانس کا طیارہ بردار بیڑا شارل دو گل ترکی کی ایک جنوبی بندرگاہ سے لاجسٹیک مدد حاصل کرسکتا ہے- اس رپورٹ کے مطابق ترکی نے فرانس کو یہ بھی اجازت دی ہے کہ وہ ضرورت پڑنے کی صورت میں اس ملک کے اینجرلیک ہوائی اڈے سے بھی استفادہ کرسکتا ہے-

تیرہ نومبر کو فرانس میں ہونے والے دہشت گردانہ حملوں کے بعد، فرانس نے داعش کے خلاف وسیع پیمانے پر حملے کا فیصلہ کیا ہے- واضح رہے کہ فرانس میں داعش کے دہشت گردانہ حملے کے بعد فرانس نے اپنا طیارہ بردار بیڑا شارل دو گل مشرقی بحیرۂ روم میں روانہ کردیا ہے-