SAHAR

طالبان کے ترجمان ذبیح اللہ مجاہد نے دعوی کیا ہے کہ طالبان نے افغانستان کے صوبہ تخار میں درقد اور یانجی کلا شہروں کے درمیان افغان فوج کے قافلے پرحملہ کرکے دس فوجیوں کو ہلاک کردیا۔

ذبیح اللہ مجاہد کے مطابق طالبان کے حملے میں افغان فوج کے تین ٹینکوں کو بھی تباہ کردیا گیا۔ ادھر طالبان کے ایک اور ترجمان قاری یوسف احمدی نے دعوی کیا ہے کہ طالبان نے پیر کی شام صوبہ زابل کے صدر مقام فلات کے اسپن غبرگہ علاقے میں افغان فوج کے ایک ٹینک کو تباہ کردیا جس کے نتیجے میں پانچ فوجی مارے گئے۔

قاری یوسف احمدی نے اس سلسلے میں مزید تفصیلات کی طرف اشارہ نہیں کیا ہے۔

افغانستان کے فوجی ذرائع نے اس خبر کے بارے میں ابھی تک کچھ نہیں کہا ہے۔