الجزائر کا ایک ہیلی کاپٹر گر کر تباہ، بارہ فوجی ہلاک
الجزائر کی وزارت دفاع نے اعلان کیا ہے کہ جنوب مغربی علاقے میں ایک ہیلی کاپٹر گر تباہ ہونے کے نتیجے میں بارہ فوجی ہلاک ہو گئے۔
رپورٹ کے مطابق الجزائر کے نائب وزیر دفاع اور جوائنٹ چیف آف آرمی اسٹاف احمد قائد صلاح نے پیر کے روز ایک بیان میں اعلان کیا ہے کہ یہ فوجی ہیلی کاپٹر فنی خرابی کے نتیجے میں گر کر تباہ ہوا۔
الجزائر کے نائب وزیر دفاع اور جوائنٹ چیف آف آرمی اسٹاف نے کہا کہ الجزائر کی فضائیہ کے محکمہ ٹرانسپورٹ کا یہ ہیلی کاپٹر دارالحکومت الجزیرہ کے جنوب میں چودہ سو کلو میٹر کے فاصلے پر واقع ادرار کے علاقے رقان میں اپنے مشن کے دوران گر کر تباہ ہو گیا۔ انھوں نے کہا کہ تحقیقات کے لئے کمیشن تشکیل دیئے جانے کی ہدایات جاری کردی گئی ہیں۔
واضح رہے کہ اکتوبر دو ہزار چودہ میں بھی الجزائر کا ایک چھوٹا فوجی طیارہ تربیتی مشن کے دوران گر کر تباہ ہو گیا تھا جس میں دو فوجی ہلاک ہو گئے تھے۔
