SAHAR

بیلجیئم اور فرانس کی عدلیہ اور پولیس پیرس دہشت گردانہ حملوں کی تحقیقات میں ایک دوسرے سے تعاون کر رہی ہیں

آر ٹی ایف بی آئی چینل کی ویب سائٹ نے لکھا ہے کہ بیلجیئم اور فرانس کی عدلیہ کے کارکنوں اور پولیس اہلکاروں پر مشتمل تحقیقاتی ٹیموں نے پچھلے چند روز سے دہشت گردانہ حملوں کے بارے میں اطلاعات و معلومات کا تبادلہ شروع کر دیا ہے - ان تحقیقات کا مرکز گذشتہ سال نومبر میں ہونے والے پیرس دہشت گردانہ حملے ہیں جن میں کم سے کم ایک سوتیس افراد مارے گئے تھے - یہ تحقیقاتی ٹیمیں ان حملوں کے ذمہ داروں کے نیٹ ورک کا پتہ لگانے میں مصروف ہیں -

اس درمیان فرانسیسی پولیس اہلکاروں نے برسلز میں بلیجیئم کے پولیس اہلکاروں کے ساتھ مل کر اطلاعات و معلومات کا تبادلہ بھی کیا ہے - یورپی ملکوں میں ہونے والے دہشت گردانہ حملوں میں اب تک سب سے زیادہ جانی نقصان فرانس او بیلجیئم کو ہوا ہے -

گذشتہ بائیس مارچ کو برسلز میں بھی دو الگ الگ دہشت گردانہ حملوں میں بتیس افرادہلاک اور تین سو سے زیادہ زخمی ہوگئے تھے-