SAHAR

امریکی ریاست لوئیزیانا میں فائرنگ کے ایک واقعے میں ایک پولیس افسر ہلاک ہوگیا-

امریکی پولیس کا کہنا ہے کہ ریاست لوئیزیانا کے علاقے 'جفرسون پریش ' میں مسلح شخص نے ایک پولیس افسر کو گولی مار کرہلاک کردیا ہے- اس پولیس اہلکار پر اس وقت فائرنگ کی گئی جب اس نے ایک مشتبہ راہ گیر کو روکنے کی کوشش کی -

لوئیزیانا پولیس کے ترجمان کا کہنا ہے کہ مقتول پولیس افسر نے مشتبہ راہ گیر کو روکا اور پھردونوں میں لڑائی شروع ہوگئی اورسرانجام مشتبہ شخص نے اپنی بندوق سے پولیس افسرپرفائرنگ کردی -

خبروں میں بتایاگیا ہے کہ مشتبہ شخص فائرنگ کرکے فرار ہوگیا تاہم پولیس نے اس کا پیچھا کرکے اس کو گرفتارکرلیا ہے- امریکا میں گن کلچر کے نتیجے میں ہرسال ہزاروں افراد ہلاک اور زخمی ہوتے ہیں-