نائیجیریا میں سیرالئون کا سفیراغوا
Jul ۰۲, ۲۰۱۶ ۱۰:۰۳ Asia/Tehran
نائیجیریا میں سیرالئون کے سفیر کو نامعلوم مسلح افراد نے اغوا کر لیا ہے۔
شین ہوا نیوز ایجنسی کی رپورٹ کے مطابق نائیجیریا کے ایک سیکورٹی عہدیدار نے کہا ہے کہ نامعلوم مسلح افراد نے سیرالئون کے سفیر نیلسن ولیمز کو ابوجا - کادونا شاہراہ سے اغوا کر لیا ہے۔ سیرالئون کے سفیر کو ریاست کادونا کے شہر جاجی کے کیڈٹ کالج میں فوجیوں کی ایک پاؤسنگ آؤٹ تقریب میں شرکت کرنا تھی۔ نائیجیریا کے نائب صدر یمی اوزینباجو کو بھی اس تقریب میں شرکت کی دعوت دی گئی تھی۔ ابھی تک کسی گروہ نے اس اغوا کی ذمہ داری قبول نہیں کی ہے۔
واضح رہے کہ جاجی شہر کے کیڈٹ کالج میں خدمات انجام دینے والے ایک اعلی فوجی افسر سمائیلا اینوسا کو بھی تقریبا تین ماہ قبل ابوجا - کادونا شاہراہ سے اغوا کیا گیا تھا اور دو دن کے بعد ان کی لاش ملی تھی
