SAHAR

ونزویلا کے صدر نے کہا ہے کہ وائٹ ہاؤس ہمیشہ عالمی سطح پر کشیدگی پیدا کرتا ہے اور دوسروں کے امور میں مداخلت کرتا ہے۔

ارنا کی رپورٹ کے مطابق ونزویلا کےصدر نکولس مادورو نے منگل کے روز کہا ہے کہ ڈونلڈ ٹرمپ کے دور صدارت میں بھی امریکہ کی خارجہ پالیسی تبدیل نہیں ہو گی۔ انھوں نے کہا کہ امریکی صدر باراک اوباما لاطینی امریکہ میں کشیدگی پیدا کرنے کا سبب تھے اور انھوں نے دنیا کو دہشت گردی کا شکار کر دیا۔ونزویلا کے صدر نے اپنے مخالفین کے حالیہ حکومت مخالف اقدامات کو امریکہ کی جانب سے ان کی حمایت کا نتیجہ قرار دیا۔واضح رہے کہ امریکہ کے نومنتخب صدر ڈونلڈ ٹرمپ نے اپنی انتخابی مہم کے دوران ونزویلا کی حکومت کے خلاف موقف اختیار کیا تھا۔