جاپان میں امریکا کے ایف پینتیس جیٹ طیاروں کی تعیناتی
امریکا نے اپنے ایف 35 بی ایس جیٹ طیاروں کو پہلی بار جاپان کے ایک فوجی اڈے پر تعینات کیا ہے
ہمارے نمائندے نے خبردی ہے کہ امریکا کے ایف پینتیس بی ایس جیٹ طیارے جاپان کے مغربی علاقے یاماگوچی میں ایک فوجی اڈے میں تعینات ہوگئے ہیں - جاپان کے مقامی ذرائع ابلاغ نے امریکی فوجی کمانڈروں کے حوالے سے خبردی ہے کہ امریکا کے ایف پینتیس جیٹ طیارے امریکا کی ایریزونا فضائی چھاؤنی سے جاپان کے لئے روانہ ہوئے تھے - جاپان میں امریکی فوجی موجودگی پر جاپانی عوام کی مخالفت کے پیش نظر ابھی تک یہ نہیں بتایا گیا ہے کہ جاپان میں تعینات ہونے والے امریکا کے ایف35 طیاروں کی تعداد کتنی ہے - اس سے پہلے جاپان نے اعلان کیا تھا کہ امریکی فضائیہ کو اس بات کی اجازت دے دی گئی ہے کہ وہ اپنے سی وی 22 اوسپرے طیارے ٹوکیو کے مغرب میں تعینات کرسکتی ہے لیکن مقامی جاپانی باشندوں نے حکومت کے اس اعلان پر شدید احتجاج کیا تھا-
