امریکی مسلمانوں کی جانب سے نئے ٹرمپ آرڈر کی مذمت
Jul ۰۱, ۲۰۱۷ ۱۸:۰۳ Asia/Tehran
امریکہ کے مسلم رہنماؤں نے مسلمانوں کے خلاف صدر ڈونلڈ ٹرمپ کے سخت گیر اور انتہا پسندانہ اقدامات کی مذمت کی ہے۔
براعظم امریکہ میں مسلمانوں کی سب سے بڑی مسلم تنظیم نارتھ امریکن مسلم کمیونٹی کے رہنماؤں نے شکاگو میں ہونے والے اجلاس کے دوران صدر ٹرمپ کے اقدامات کو متعصبانہ اور نسل پرستانہ قرار دیا ہے۔
مسلم رہنماؤں کا کہنا ہے کہ مسلمانوں کے امریکہ میں داخلے پر عائد کی جانے والی پابندی کے غیر قانونی ہونے کا معاملہ، جلد ثابت ہو جائے گا۔
صدر ٹرمپ کے نئے امیگریشن آرڈر کے تحت چھے اسلامی ملکوں کے شہریوں کے لیے امریکی ویزے کے اجرا پر تین ماہ کے لیے پابندی عائد کردی گئی ہے۔
امریکہ کی سپریم کورٹ کے فیصلے کے مطابق صدر ٹرمپ کے امیگریشن آرڈر کے بعض حصوں پر جمعرات سے عملدرآمد شروع کر دیا گیا ہے۔
