روہنگیا پناہ گزینوں میں 60 فی صد بچے ہیں، یونیسیف
Sep ۲۲, ۲۰۱۷ ۱۴:۴۳ Asia/Tehran
بچوں کے عالمی ادارے یونسیف نے کہا ہے کہ میانمار کی فوج کے حملوں سے بچ کر بنگلہ دیش پہنچنے والے روہنگیا مسلمانوں میں تقریبا ساٹھ فی صد تعداد بچوں کی ہے۔
یونیسیف کے جاری کردہ بیان میں کہا گیا ہے کہ اب تک چودہ سو ایسے بچوں کو شمار کیا جاچکا ہے جو اپنے والدین کے بغیر میانمار کی سرحد عبور کرکے بنگلا دیش پہنچے ہیں۔عالمی ادارے یونیسیف کا کہنا ہے کہ بنگلا دیش پہنچنے والے بچوں نے اپنے گھروالوں کو قتل ہوتے اور اپنے گھروں میں آگ لگائے جانےکے مناظر اپنی آنکھوں سے دیکھے ہیںیونیسیف کے مطابق بنگلا دیش کے پناہ گزین کیمپوں کی صورتحال انتہائی ناگفتہ بہ ہے اور دسیوں ہزار لوگ ایسے مقامات پر پڑے ہوئے ہیں جہاں بچوں کی سیکورٹی اور دیکھ بھال کا مناسب انتظام نہیں ہے۔
