ہزاروں افریقی تارکین وطن کو اسرائیل چھوڑنے کا حکم
قدس کی غاصب اور جابر صیہونی حکومت نے ہزاروں افریقی تارکین وطن کو رواں برس مارچ کے آخر تک ملک چھوڑنے کا حکم دے دیا ہے۔
رائٹرز کی رپورٹ کے مطابق قدس کی غاصب اور جابر صیہونی حکومت نے 2 ماہ کے اندر ہزاروں افریقی تارکین وطن کو ملک چھوڑنے کا حکم دے دیا ہے، تارکین وطن کو سرکاری خطوط ملنا شروع ہو گئے ہیں ۔
اسرائیلی امیگریشن اتھارٹی کی طرف سے جن لوگوں کو نوٹس جاری کیے گئے ہیں انہیں مارچ کے آخر تک اسرائیل چھوڑنے کا حکم دیا گیا ہے بصورت دیگرانہیں جیل بھیجے جانے اور پھر حتمی طور پر ملک بدر کرنے کی دھمکی دی گئی ہے۔
نیتن یاہو حکومت کے اس فیصلے کو افریقی تارکین وطن کے علاوہ اسرائیلی اور بین الاقوامی انسانی حقوق کے گروپوں نے بھی تنقید کا نشانہ بناتے ہوئے کہا ہے کہ اسرائیلی حکومت غیراخلاقی رویے کا مظاہرہ کررہی ہے۔
واضح رہے کہ رپورٹ کے مطابق اسرائیل میں اس وقت 40 ہزار سے زائد تارکین وطن مقیم ہیں ۔