SAHAR

روس نے سوشل میڈیا نیٹ ورک ٹیلیگرام کے خلاف باضابطہ شکایت دائر کر دی۔

روس کی میڈیا ریگولیٹری اتھارٹی، روس کام نادزور نے ٹیلیگرام نیٹ ورک کے خلاف باضابطہ شکایت درج کرا دی ہے۔ مذکورہ روسی اتھارٹی نے عدالت سے ٹیلیگرام نیٹ ورک سسٹم پر پابندی لگانے کا مطالبہ کیا ہے۔کہا جارہا ہے کہ روسی حکومت ٹیلیگرام کو ملک میں فلٹر کرنے کا ارادہ رکھتی ہے۔
اس سے پہلے روسی ایوان صدر کے ترجمان نے بھی ٹیلیگرام کے ساتھ پیدا ہونے والے اختلافات کے بارے میں کہا تھا کہ قانون پر عملدرآمد ضروری ہے لیکن ایسا دکھائی دیتا ہے کہ ٹیلیگرام والوں کو اس میں کوئی دلچسپی نہیں ہے۔
روسی قوانین کی رو سے انٹرنیٹ ریگولیٹری کی حیثیت سے روس کام نادزور عدالتی حکم پر ٹیلیگرام کو فلٹر کرسکتا ہے۔