SAHAR

برطانوی شہریوں نے صیہونی حکومت کے سابق وزیر اعظم ایہود بارک پر جنگی مجرم کی حیثیت سے مقدمہ چلائے جانے کا مطالبہ کیاہے

مختلف طبقوں سے تعلق رکھنے والے برطانوی عوام کی ایک بڑی تعداد نے لندن میں اس مقام پر اجتماع کر کے کہ جہاں صیہونی حکومت کے سابق وزیر اعظم ایہود بارک تقریر کر رہے تھے،جنگی مجرم کی حیثیت سے ایہود بارک کے خلاف قانونی کارروائی کئے جانے کا مطالبہ کیا۔ ہمارے نمائندے کی رپورٹ کے مطابق برطانوی عوام کے اس اجتماع میں کہ جس میں یہودی مذہبی رہنما بھی شامل تھے، اعلان کیا گیا کہ ایہود بارک کے ہاتھ مظلوم فلسطینیوں کے خون سے رنگین ہیں۔مظاہرین نے فلسطینی پرچم لہراتے ہوئے صیہونی حکومت کے جرائم کی مذمت میں نعرے بھی لگائے۔برطانوی عوام نے اسی طرح غزہ میں صیہونی حکومت کے جرائم کی تصاویر کی بھی نمائش کی۔