ورلڈ ٹریڈ سینٹر کا 16 سال بعد افتتاح
نیو ورلڈ ٹریڈ سینٹر اسکائی سکریپر نیویارک 16سال بعد کھول دیا گیا۔
نیو ورلڈ ٹریڈ سینٹر 80 منزلہ آفس بلڈنگ ہے جو تھرڈ ورلڈ ٹریڈ سینٹر کے نام سے معروف ہے،یہ عمارت 1079 فٹ (329 میٹر) بلند ہے ۔ 16ایکڑ رقبے پر تعمیر کی گئی ہے اسی ٹریڈ سینٹر سے 11 ستمبر 2001 کو طیارہ ٹکرایا تھا جس کے نتیجے میں مبینہ طور پر 2700 افراد ہلاک ہو گئے تھے۔
11 ستمبر 2001 کی تباہی کے بعد ٹریڈ سینٹر کو دوبارہ تعمیر کرنے کا سلسلہ شروع ہوا تاہم اس میں بعض اوقات سرکاری اداروں، ڈیویلپرز، اور متاثرہ خاندانوں اور انشورنس کمپنیوں کے درمیان اختلافات بھی پیدا ہوئے، اختلافات اور بعض اوقات فنڈ کی کمی کے باعث اس کی تعمیر میں رکاوٹیں بھی پیدا ہوئیں۔
واضح رہے کہ11 ستمبر 2001 کو اس عمارت پر مشکوک حملوں کے بعد امریکہ نے افغانستان پر دہشتگردوں کو پناہ دینے کے بہانے حملہ کیا اور افغانستان کی اینٹ سےاینٹ بجا دی ۔ افغانستان پر امریکہ کا ناجائز قبضہ ابھی تک جاری ہے۔
