معروف نیوز اینکر ہیلی کاپٹر حادثے میں ہلاک
Feb ۱۳, ۲۰۱۹ ۱۱:۰۳ Asia/Tehran
ہیلی کاپٹر حادثہ رِنگ روڈ پر پیش آیا جہاں سے گزرنے والے ٹرک سے ہیلی کاپٹر ٹکرا کر زمین بوس ہوگیا۔
بین الاقوامی خبر رساں ادارے کے مطابق برازیل کے معروف نیوز اینکر بوئیچاٹ اپنے مقبول ترین مارننگ شو کی ریکارڈنگ کرکے واپس جا رہے تھے کہ ہیلی کاپٹر کو حادثہ پیش آ گیا۔ ہیلی کاپٹر ہچکولے کھاتا ہوا نیچے آیا اور مرکزی شاہراہ پر مال بردار ٹرک سے ٹکرا کر تباہ ہو گیا جس کے نتیجے میں پائلٹ اور ایوارڈ یافتہ 66 سالہ نیوز اینکر رکارڈو بوئیچاٹ ہلاک ہوگئے۔
ریسکیو ادارے نے امدادی کاموں کا آغاز کرتے ہوئے ٹرک ڈرائیور کو اسپتال منتقل کیا جہاں ڈرائیور کی حالت خطرے سے باہر بتائی جارہی ہے جب کہ پائلٹ اور نیوز اینکر کی لاشوں کو بھی اسپتال لایا گیا ہے۔
