SAHAR

روس کے وزیر خارجہ نے کہا ہے کہ دنیا کے کسی بھی ملک کو دوسرے ملک کے خلاف خود سرانہ طریقے سے فوجی حملہ کرنے کا حق حاصل نہیں۔

 فن لینڈ میں اپنے امریکی ہم منصب مائک پومپیو سے ملاقات کے بعد روسی وزیر خارجہ نے وینیزویلا کے خلاف بعض مغربی ملکوں کی مخاصمانہ پالیسیوں پر کڑی نکتہ چینی کی۔
 انہوں نے کہا کہ میں اپنے امریکی ہم منصب پر واضح کر دیا ہے کہ کسی بھی ملک کو سلامتی کونسل کی اجازت کے بغیر کسی بھی دوسرے ملک کے خلاف فوجی محاذ کھولنے کا حق حاصل نہیں۔
 روسی وزیر خارجہ نے واضح کیا کہ وینیزویلا کا بحران اندرونی سطح پر حل کیے جانے کی ضرورت ہے کیونکہ بیرونی مداخلت کے نتیجے میں اس ملک کی صورت حال مزید پیچیدہ ہو جائے گی۔