آبنائے ہرمز کی سکیورٹی سے متعلق امریکی تجویز پرفیصلہ نہیں کیا: جاپان
Jul ۲۲, ۲۰۱۹ ۱۰:۵۶ Asia/Tehran
جاپان کے وزیراعظم نے اتوار کے روز لائیو ٹی وی انٹرویو میں کہا کہ جاپان کے اسلامی جمہوریہ ایران کے ساتھ تعلقات دوستانہ ہیں۔
جاپان کے وزیراعظم شینزوآبے نے کہا کہ جاپان، اسلامی جمہوریہ ایران کے ساتھ دوستانہ تعلقات قائم رکھ کر اسے فروغ دینا چاہتا ہے اور خلیج فارس کے علاقے کے استحکام کیلئے سفارتکاری کی کوششوں کو جاری رکھے گا۔
جاپان کے وزیراعظم نے مزید کہا کہ جاپان نے آبنائے ہرمز کی سکیورٹی سے متعلق عالمی اتحاد بنانے کی امریکی تجویز پر ابھی کوئی فیصلہ نہیں کیا۔
یاد رہے کہ جاپانی وزیراعظم شینزوآبے نے ایک اعلی سیاسی، اقتصادی وفد کی قیادت میں 12 جون کو اسلامی جمہوریہ ایران کا تین روزہ دورہ کیا اوررہبر انقلاب اسلامی حضرت آیت اللہ العظمی سید علی خامنہ ای اور صدرمملکت حسن روحانی کے ساتھ ملاقات کی۔
