SAHAR

امریکہ کے صدر نے ایک بار پھر ہندوستان کے زیرکنٹرول کشمیر کے سلسلے میں ہندوستان اور پاکستان کے درمیان ثالثی کی پیشکش کی ہے

امریکی صدر نے نیویارک میں پاکستان کے وزیراعظم سے ملاقات میں ایک بار پھر مسئلہ کشمیر میں ثالثی کی پیشکش کی تاہم نئی دہلی حکومت نے اب تک ٹرمپ کی اس پیشکش کا کوئی جواب نہیں دیا ہے ۔

ہندوستان ، اس سے پہلے امریکہ ، ترکی اور اقوام متحدہ کی جانب سے آنے والی ثالثی کی پیشکش کو مسترد کرچکا ہے-

ہندوستان نے اس سے پہلے اعلان کیا تھا کہ کشمیر کا مسئلہ پاکستان کے ساتھ دوطرفہ بات چیت سے حل کر لیا جائے گا۔

نئی دہلی مسئلہ کشمیر کو عالمی مسئلہ نہیں بننے دینا چاہتا اور اس مسئلے کے حل کے لئے کسی تیسرے ملک کی ثالثی کو قبول نہیں کرتا۔ ہندوستان کے برخلاف پاکستان مسئلہ کشمیر کے سلسلے میں اقوام متحدہ اور دیگر ممالک کی ثالثی چاہتا ہے۔