امریکہ میں آسمانی بجلی نے جلتی پرتیل کا کام کردیا
Aug ۲۶, ۲۰۲۰ ۰۸:۴۷ Asia/Tehran
امریکی ریاست کیلیفورنیا میں آسمانی بجلی نے جلتی پر تیل کا کام کردیا۔
امریکی ریاست کیلیفورنیا میں آسمانی بجلی گرنے کے مزید واقعات کے بعد 600 جگہیں نئی آگ بھڑک اٹھیں اور 12 لاکھ ایکڑ کے رقبے تک پھیلنے والی آگ سے اب تک 1200 گھر تباہ، جبکہ 7 افراد ہلاک ہوچکے ہیں۔
امریکا کی جنوب مغربی ریاست کیلیفورنیا کے شمالی اور وسطی حصے میں جنگلات میں لگی آگ نے لاس اینجلس سے تین گنا بڑے رقبے کو جلا کر راکھ کردیا ہے۔
درجہ حرارت میں کمی ہونے سے فائر فائٹرز کو آگ پر قابو پانے کی کوششوں میں مدد مل رہی ہے، لیکن آسمانی بجلی گرنے کے مزید واقعات سے نئی آگ بھی بھڑک اٹھی ہیں۔
متاثرہ علاقوں میں بجلی کی بحالی کا کام بھی جاری ہے، آگ کی لپیٹ میں آنے والے علاقوں سے اب تک 2 لاکھ 40 ہزار افراد کا انخلا کرایا گیا ہے۔
