عراق میں امریکی سفارتخانہ بند کرنے کی دھمکی
امریکہ کے وزیر خارجہ نے بغداد میں امریکی سفارتخانہ کو بند کرنے کی دھمکی دی ہے۔
واشنگٹن پوسٹ کے مطابق امریکہ کے وزیر خارجہ مایک پومپئو نے عراقی حکام کو دھمکی دی ہے کہ وہ بغداد میں امریکی سفارتخانے کو بند کر دیں گے۔
عراق کے صدر برہم صالح نے پیر کے روزعراق کی مختلف سیاسی جماعتوں کے رہنماوں سے ہونے والی ملاقات کے دوران کہا تھا کہ امریکی وزیر خارجہ مایک پومپئو نے ان سے کہا تھا کہ اگرعراق میں امریکی سفارتخانہ اور امریکی فوجیوں پر ہونے والے حملے بند نہ ہوئے تو امریکہ بغداد میں اپنے سفارتخانے کو بند کر دے گا۔
انسٹاگرام پر آپ ہمیں فالو کر سکتے ہیں
امریکہ کے وزیر خارجہ نے کہا ہے کہ امریکی صدر ٹرمپ بغداد میں امریکی سفارتخانے کو بند کرنے کا سنجیدگی سے جائزہ لے رہے ہیں۔
واضح رہے کہ گزشتہ دنوں کے دوران امریکہ کے دہشت گرد فوجیوں کے کانوائے، بغداد میں امریکی سفارتخانے اور امریکی دہشت گردی کے فوجی اڈوں من جملہ التاجی اور البلد پرمتعدد بار راکٹ داغے گئے۔
