SAHAR

فلسطینی ذرائع نے غزہ سے ملنے والے صیہونی علاقوں میں میزائیل اور راکٹ حملوں کے وقت بجائے جانے والے سائرن سنائی دینے کی خبر دی ہے۔

 فارس نیوز ایجنسی کے مطابق فلسطینی ذرائع کا کہنا ہے کہ غزہ کے قریب واقع صیہونی علاقوں میں خطرے کے سائرن بجائے گئے ہیں جن کی آوازیں غزہ میں بھی سنائی دی ہیں۔

القدس چینل نے صیہونی ذرائع ابلاغ کے حوالے سے بتایا ہے یہ سائرن بجائے جانے کے بعد کئی ایک دھماکے بھی ہوئے ہیں۔

ارس رپورٹ کے مطابق غزہ سے فائر کیے جانے والے میزائلوں اور راکٹوں کو تباہ کرنے کے لیے آئرن ڈوم سسٹم  بھی فعال کیا گیا تھا لیکن اس کا کوئی فائدہ نہیں ہوا۔

آئرن ڈوم سسٹم بھی میزائل یا راکٹوں کا پتہ لگانے اور انہیں تباہ کرنے میں ناکام رہا۔

اس بارے میں فلسطینی مجاہد تنظیموں کی جانب سے کوئی بیان جاری نہیں کیا گیا۔