نیپالی کوہ پیماؤں نے"کے ٹو" کو سر کرنے کی ٹھانی
10 رکنی نیپالی کوہ پیما ’’کے ٹو‘‘ نام سے موسوم برفای پہاڑی چوٹی کا دشوار گزار حصہ پار کرنے میں کامیاب ہوگئے ہیں۔
دنیا کی دوسری بلند چوٹی "کے 2" کو موسم سرما میں سر کرنے کیلئے کوہ پیماؤں کی ٹیم کا فاصلہ صرف 211 میٹر باقی رہ گیا۔
کیمپ ذرائع کا کہنا ہے کہ نیپالی کوہ پیما "کے ٹو" کی انتہائی بلندی کے قریب پہنچ گئے، 10 رکنی نیپالی کوہ پیما دشوار گزار حصہ پار کرنے میں کامیاب ہوگئے ہیں۔
دشوارگزار حصے کی برفانی چٹان 8 ہزار 400 میٹر بلند ہے، برف زیادہ ہونے کے باعث کوہ پیماؤں کی رفتار سست ہے۔
نیپالی کوہ پیما "نینگما جی" آکسیجن سیلینڈر کے بغیر پہاڑ پر چڑھ رہے ہیں، جبکہ باقی تمام کوہ پیما آکسیجن استعمال کر رہے ہیں۔
خیال رہے کہ دنیا کی 14 بلند ترین چوٹیوں میں سے 13 کو موسم سرما میں سر کیا جا چکا ہے ۔ صرف ’’کے ٹو‘‘ دنیا کی واحد چوٹی ہے جو موسم سرما میں اب تک سر نہیں کی گئی ہے۔
