امریکا، ایف بی آئی کے اہلکاروں پر حملہ، متعدد زخمی
امریکا میں ہونے والے فائرنگ کے تازہ واقعے میں ایف بی آئی کے متعدد اہلکار زخمی ہوگئے۔
فارس نیوز ایجنسی کی رپورٹ کے مطابق فلوریڈا ریاست کے جنوبی علاقے میں ایف بی آئی کے اہلکار تعینات تھے جب یہ فائرنگ کا واقعہ پیش آیا۔ زخمی اہلکاروں کو فورا نزدیکی اسپتال منتقل کر دیا گیا۔
رپورٹ میں بتایا گیا ہے کہ جنوبی فلوریڈا میں فائرنگ کا یہ واقعہ اس وقت پیش آیا جب علاقے میں پولیس اہلکار بھی تعینات تھے۔
ایک پولیس اہلکار نے اے ایف پی سے گفتگو کرتے ہوئے کہا کہ فائرنگ کے اس واقعے میں ایف بی آئی کے متعدد اہلکار زخمی ہوئے۔ ابھی تک یہ پتہ نہیں چل سکا کہ ایف بی آئی کے اہلکار زیادہ زخمی ہوئے یا کم۔
پولیس اہلکار نے واقعے کی مزید تفصیلات سے گریز کیا اور اپنی شناخت مخفی رکھنے کی شرط پر میڈیا سے گفتگو کی۔
واقعے کی اطلاع ملتے ہی اضافی پولیس اہلکاروں کے جائے وقوعہ کی جانب روانہ کر دیا گیا۔
اسی طرح اس اسپتال کے پاس بھی بڑی تعداد میں پولیس اہلکار تعینات ہیں جہاں زخمیوں کا علاج چل رہا ہے۔
