SAHAR

عالمی فوجداری عدالت کی پراسیکوٹر نے کہا ہے کہ فلسطینیوں کے خلاف صیہونی حکومت کے جنگي جرائم کی تحقیقات شروع کر دی گئي ہیں۔

فاتو بینسودا نے بدھ کے روز ایک بیان جاری کر کے کہا ہے کہ فلسطینیوں کے خلاف صیہونی حکومت کے جنگي جرائم کے بارے میں تحقیقات آزادانہ اور غیر جانبدارانہ طور پر انجام پائیں گي۔

ہیگ کی عالمی عدالت نے فروری سنہ دو ہزار اکیس میں اعلان کیا تھا کہ اسے فلسطینیوں کے خلاف اسرائيل کے جنگي جرائم کی جانچ کا حق حاصل ہے۔

آئي سی سی کے اس اقدام کا جہاں فلسطینی حکام نے خیر مقدم کیا تھا، وہیں صیہونی حکومت نے اس پر سخت برہمی کا اظہار کیا تھا۔

عالمی فوجداری عدالت کی پراسیکوٹر فاتو بینسودا نے سنہ دو ہزار انیس میں کہا تھا کہ غرب اردن اور غزہ پٹی میں صیہونی حکومت کے جنگي جرائم کے بعد، ان جرائم کے بارے میں تحقیقات شروع کرنے کی ایک منطقی بنیاد ہے۔