SAHAR

یورپی پارلیمنٹ میں آئرلینڈ کے نمائندے نے ملکوں پر پابندی لگانے کی امریکہ کی پالیسی پر شدید تنقید کرتے ہوئے اسے اقتصادی دہشت گردی قرار دیا ہے۔

میک ولاس نے سنیچر کے روز ایک ٹویٹ کر کے مختلف ملکوں پر پابندیاں لگانے کے واشنگٹن کے شوق پر تنقید کرتے ہوئے کہا ہے کہ اس وقت امریکہ نے دنیا کے اڑتیس ملکوں پر پابندیاں عائد کر رکھی ہیں اور یہ پالیسی ایک طرح سے معاشی دہشت گردی ہے۔ انھوں نے کہا ہے کہ یورپی یونین نے بھی ان میں سے بہت سی پابندیوں میں امریکہ کا ساتھ دیا ہے۔

یورپی پارلیمنٹ کے اس رکن نے اپنے ٹویٹ میں کیوبا کی طرف اشارہ کیا جس پر امریکہ کی سخت پابندیاں عائد ہیں لیکن دنیا کے تقریبا چالیس ملکوں نے کورونا کی وبا سے مقابلے کے لیے اپنی میڈیکل ٹیمیں وہاں بھیجی ہیں۔