روس: اسکول میں فائرنگ 9 ہلاک 10 زخمی
May ۱۱, ۲۰۲۱ ۱۴:۰۰ Asia/Tehran
روس کے شہر کازان کے ایک اسکول میں ہونے والی فائرنگ میں کم ازکم آٹھ اسکولی طلبا سمیت نو افراد ہلاک اور دس دیگر زخمی ہوگئے۔
تاس نیوز ایجنسی کی رپورٹ کے مطابق یہ واقعہ جمہوریہ تاتاریہ میں پیش آیا جہاں دو مسلح افراد نے ایک اسکول میں گھس کر فائرنگ کر دی۔مارے جانے والوں میں ایک ٹیچر بھی شامل ہے جبکہ آٹھ اسکولی بچے اس فائرنگ میں ہلاک ہوگئے ۔
روسی سیکورٹی ذرائع کا کہنا ہے کہ ایک سترہ سالہ حملہ آور کو پکڑلیا گیا جبکہ دوسرے نے کئی افراد کو یرغمال بنالیا تھا لیکن بعد میں دوسرے حملہ آور نے بھی ہتھیار ڈال دیئے ہیں۔
زخمیوں کو اسپتال میں داخل کر دیا گیا ہے جہاں ان کا علاج ہو رہا ہے۔
تاتاریہ کے اٹارنی جنرل کے دفتر نے اعلان کیا ہے کہ واقعے کی تحقیقات شروع کردی گئی ہیں۔
