SAHAR

جنوبی فرانس کے ایک ڈروم نامی علاقہ میں گزشتہ روز فرانسیسی صدر امانوئل میکرون کو ایک شخص نے زوردار تھپڑ لگا دیا جس کے بعد ایک ہنگامہ سا برپا ہو گیا ہے۔ میکرون جنوبی فرانس کے دورہ پر ہیں اور اس دوران وہ کورونا سے متاثر کئی علاقوں کا دورہ کر رہے ہیں۔ اپنے دورہ میں وہ عوام سے ملاقات بھی کر رہے ہیں، اسی دوران ڈروم میں ایک شخص نے انہیں تھپڑ مار دیا جس کا ویڈیو سوشل میڈیا پر وائرل ہو گیا ہے۔ خیال رہے کہ فرانسیسی صدر کو حالیہ برسوں کے دوران سماج کے متوسط اور کمزور طبقے کی جانب سے سخت مخالفت کا سامنا ہے۔