ایشین ہاکی چیمپیئنز کے سیمی فائنل میں پاکستان اور ہندوستان کی شکست
ایشین ہاکی چیمپئنز ٹرافی کے سیمی فائنل میں جنوبی کوریا نے پاکستان کو پانچ کے مقابلے چھے گول اور جاپان نے ہندوستان کو تین کے مقابلے پانچ گول سے ہرا دیا۔
رپورٹ کے مطابق پاکستان اور ہندوستان کی ہاکی ٹیمیں ایشین ہاکی چیمپیئنز ٹرافی کے سیمی فائنل میں جنوبی کوریا اور جاپان سے شکست کھانے کے بعد چیمپیئن ٹرافی کے فائنل میں پہنچنے میں ناکام رہیں۔
ڈھاکہ میں کھیلا گیا ایشین ہاکی چیمپیئنز ٹرافی کا پہلا سیمی فائنل بہت دلچسپ اور سنسنی خیز ثابت ہوا جس میں مجموعی طور پر گیارہ گول ہوئے۔
واضح رہے کہ پانچ ٹیموں پر مشتمل اس ٹورنامنٹ میں پاکستانی ٹیم صرف بنگلادیش کو شکست دے کر فائنل میں پہنچی تھی۔
ادھر دوسرے سیمی فائنل میں جاپان نے ہندوستان کو ہرا دیا۔ ہندوستان کی ٹیم کافی مضبوطی کے ساتھ سیمی فائنل میں پہنچی تھی تاہم جاپان نے اسے تین کے مقابلے میں پانچ گول سے ہرا دیا۔ اس طرح اب فائنل مقابلہ جنوبی کوریا اور جاپان کے درمیان کھیلا جائے گا۔
