ٹی ٹوئنٹی ورلڈکپ کا افتتاحی میچ
ٹی ٹوئنٹی ورلڈ کپ کے افتتاحی میچ میں نمیبیا نے سری لنکا کو شکست دے دی
سحر نیوز/ دنیا: آسٹریلیا کے شہر جی لانگ میں ٹی ٹوئنٹی ورلڈ کے پہلے کوالیفائنگ میچ میں نمیبیا اور سری لنکا کی ٹیمیں میدان میں اتریں ۔سری لنکا نے ٹاس جیت کر پہلے گیندبازی کا فیصلہ کیا اور نمیبیا کو بلے بازی کی دعوت دی ۔ نمیبیا نے مقررہ بیس اوور میں سات وکٹ کے نقصان پر ایک سو ترسٹھ رن بنائے اور سری لنکا کو جیت کے لئے ایک سو چونسٹھ رن کا ہدف دیا ۔
ہدف کے تعاقب میں سری لنکا کی ٹیم شروع سے ہی دباؤ میں نظر آئی اور انیسویں اوور میں ایک سو آٹھ رن بناکر پوری ٹیم آؤٹ ہوگئی ۔ اس طرح ٹی ٹوئنٹی ورلڈ کپ کا افتتاحی میچ نمیبیا نےجیت لیا ۔
آسٹریلیا کے شہر جی لانگ میں اتوار کو ٹی ٹوئنٹی ورلڈ کپ کا دوسرا کوالیفائنگ میچ متحدہ عرب امارات اور نیدر لینڈ کے درمیان کھیلا جائے گا۔
ٹی ٹوئنٹی ورلڈکپ کے لئے مجموعی طور پر آٹھ ٹیموں کو دو گروپ میں تقسیم کیا گیا ہے۔ پہلے مرحلے کے اختتام پر چار ٹیمیں مین راؤنڈ سپر بارہ کے لئے کوالیفائی کریں گی ۔ سپر بارہ کا آغاز بائیس اکتوبر سے ہوگا۔
