SAHAR

امریکہ کے ایک فوجی مبصر نے کہا ہے کہ ایران صیہونی حکومت کو ختم کرسکتا ہے

سحرنیوز/دنیا:  امریکہ کے سابق فوجی افسر اور مبصر کرنل لارینس ویلکر سن نے امریکہ کے معروف صحافی جیکسن ہینکل کے ساتھ بات چیت میں کہا ہے کہ ایران کے میزائل حملوں نے اسرائيلیوں کو مبہوت کردیا۔

 سابق امریکی وزیرخارجہ کالن پاویل کے آفس سپرنٹنڈنٹ، کرنل لارینس ویلکرسن نے اس انٹرویو میں کہا کہ ممکن ہے کہ جنگ کے اواخر میں روس، چین یا شمالی کوریا  نے ایران کی مدد کی ہو، لیکن یہ میزائل ایران کے اپنے تیار کردہ تھے۔

 امریکہ کے اس فوجی مبصر نے 12 روزہ مسلط کردہ جنگ میں ایران سے صیہونی حکومت کی شکست کے بارے میں کہا کہ اس جنگ میں اسرائيلیوں کی حالت خراب ہوگئی اور انہیں اپنی اوقات معلوم ہوگئی اسی لئے جنگ بہت جلد ختم ہوگئی۔