SAHAR

یہ ایمیل یعنی برقی خط ارسال کیا ہے کہ شارٹ ویو میڈیا کلب شیخوپورہ پنجاب پاکستان سے اسرار احمد چودھری صاحب نے لکھتے ہیں کہ

ریڈیو تہران کی پوری ٹیم کو محبتوں بھرا سلام قبول ہو، میں اور میرے کلب ممبران خیریت سے ہیں، آپ کی اور ریڈیو تہران شعبہ اردو کے تمام ارکان کی خیریت اللہ تعالی کے فضل و کرم سے نیک چاہتا ہوں۔ سارے پروگرام اچھے جارہے ہیں بزم دوستاں کے ایک پروگرام میں راج سنگھ راٹھی کے انتقال کی خبر سنی بہت افسوس ہوا پرانے سامع تھے اور پیار محبت کے پیغام کو عام کرنے والے انسان تھے اس کے علاوہ ریڈیو تہران نے بھی اپنے سینیئر سامع کو زبردست الفاظ میں خراج عقیدت پیش کیا اور پروگرام بزم دوستاں میں راج سنگھ راٹھی صاحب کی بھرپور طریقے سے قدردانی کی، اس عمل پر میں ریڈیو تہران کا شکریہ ادا کرتا ہوں،

اسرار احمد چودھری صاحب مزید لکھتے ہیں کہ اس وقت عالمی سطح پر انسانی حقوق کی دھجیاں بکھیری جارہی ہیں اور انسانیت کی تذلیل کی جارہی ہے، چاہے فلسطین ہو چاہے یمن و شام ہو چاہے افغانستان ہر طرف اسلام کے دشمن اپنی بربریت کا مظاہرہ کررہے ہیں،

اسرار احمد چودھری صاحب مزید لکھتے ہیں کہ ہمیں یہ جان کر خوشی ہوئی کے آواز کی خرابی کے مسئلے کو آپ سنجیدگی کے ساتھ لے رہے ہیں لیکن عرض یہ ہے کہ مجموعی طور پر آواز میں بہتری ہی آرہی ہے بہرحال مختلف علاقوں کی آب و ہوا فرق کرتی ہے کہیں آواز صاف آتی ہے تو کہیں شور کے ساتھ سنی جاتی ہے ۔