پورے خطے پر قبضہ اسرائیل کا حق ہے: اسرائیل میں امریکی سفیر کی ہرزہ سرائی

Feb ۲۱, ۲۰۲۶ ۱۸:۰۰ Asia/Tehran

قابض اسرائیل میں امریکہ کے صیہونیت نواز سفیر مائیک ہکابی نے ہرزہ سرائی کرتے ہوئے کہا ہے کہ خدا نے یہ زمین اسرائیلیوں کو دی ہے، پورے خطے پر قبضہ اسرائیل کا حق ہے

سحرنیوز/عالم اسلام: غیرملکی خبر ایجنسی کے مطابق امریکی تجزیہ کار ٹکر کارلسن کے ساتھ ایک پروگرام میں امریکی سفیر نے کہا کہ خدا نے یہ زمین اسرائیلیوں کو دی ہے اور پورے خطے پر قبضہ کرنا اسرائیل کا حق ہے، اسرائیل کا دریائے نیل سے نہر فرات تک کے علاقوں پر قبضہ کرنا ٹھیک ہوگا۔

ہمیں فالو کریں:

انھوں نے کہا کہ اگر اسرائیل مشرق وسطیٰ کے وسیع علاقوں پر کنٹرول حاصل کر لے تو انہیں اس پر کوئی اعتراض نہیں ہو گا۔ نیل سے فرات تک کے تصور کا تعلق گریٹر اسرائیل کے شدت پسند نظریے سے ہے۔ یاد رہے کہ مائیک ہکابی کو گزشتہ سال امریکی صدر ڈونلڈ ٹرمپ نے قابض اسرائیل میں امریکا کا سفیر مقرر کیا تھا۔