ہندوستان؛ کانگریس کی جانب سے ٹرمپ کے ٹیرف پر امریکی سپریم کورٹ کے فیصلے کا خیرمقدم

Feb ۲۱, ۲۰۲۶ ۱۷:۲۵ Asia/Tehran

ہندوستان میں کانگریس کے رہنماؤں نے امریکی سپریم کورٹ میں ٹرمپ کے ٹیرف پر فیصلے کی تعریف کی ہے

سحرنیوز/ہندوستان: کانگریس کے سینئر رہنما اور رکن پارلیمنٹ جے رام رمیش نے ایکس پر پوسٹ کرتے ہوئے امریکی سپریم کورٹ کے فیصلے کی تعریف کی ہے اور کہا ہے کہ امریکی سپریم کورٹ کے فیصلے نے ٹرمپ کی پوری ٹیرف حکمت عملی کو پلٹ دیا! یہ فیصلہ اس کے نظریاتی ڈھانچے کے پیش نظر حیران کن ہے۔ یہ تین چھے کا فیصلہ ہے۔ امریکی چیک اینڈ بیلنس کا نظام اب بھی کام کر رہا ہے۔

کانگریس رہنما پون کھیڑا نے بھی ایکس پر ٹویٹ کرتے ہوئے کہا کہ جلد بازی کا کام شیطان کا ہوتا ہے۔ امریکی سپریم کورٹ نے ڈونالڈ ٹرمپ کے نام نہاد عالمی ٹیرف کو کالعدم قرار دے دیا ہے-

ہمیں فالو کریں:

یہ فیصلہ ایسے وقت میں آیا ہے جب ٹرمپ کی ٹیرف پالیسی پہلے ہی تنازعات میں گھری ہوئی تھی۔ حالیہ بورڈ آف پیس سمٹ میں ٹرمپ نے دعوی کیا کہ انہوں نے دوسو فیصد ٹیرف کی دھمکی دے کر ہندوستان اور پاکستان کے درمیان دو ہزار پچیس کے تنازع کو روکا تاہم ہندوستان کی وزارت خارجہ نے اسے مسترد کرتے ہوئے کہا کہ جنگ بندی دونوں ممالک کے درمیان براہ راست مذاکرات کے ذریعہ حاصل کی گئی تھی۔