SAHAR

یہ خط ارسال کیا ہے کہ پاکستان کے صوبے بلوچستان کے صدر مقام کوئٹہ سے محترمہ کنیز فاطمہ صاحبہ نے لکھتے ہیں کہ

سب سے پہلے میں ماہ رمضان مبارک کی آمد پر مبارک باد پیش کرتی ہوں دوسرے یہ کہ ہمارا شہر ایک عرصے سے بدامنی کا شکار ہے اور یہاں آئے دن شیعہ مسلمانوں کو ٹارگٹ کلنگ کا نشانہ بنایا جارہا ہے، سیکیورٹی کے انتظامات نہایت ہی ناقص ہیں اور دہشت گرد آسانی سے واردات کر کے فرار ہوجاتے ہیں، میں ریڈیو تہران اسلامی جمہوریہ ایران کی شکرگزار ہو کہ وہ حق کی آواز بن کر دہشت گردوں کے خلاف اپنا بھر پور موقف بیان کرتا ہے، آپ کی خبروں اور تبصروں میں فرقہ وارانہ بنیادوں پر دہشت گردی کو ہوا دینے والوں کے خلاف اصولی موقف اپنایا جاتا ہے اور سحر ٹی وی بھی اس حوالے سے اپنا حصہ ڈالتا ہے، سارے پروگرام بہت اچھے جارہے ہیں ریڈیو تہران اور سحر ٹی وی کی پوری ٹیم کو میرا سلام۔