SAHAR

یہ خط ارسال کیا ہے کہ نذیر احمد سولنگی صاحب نے ٹنڈوالہیار سندھ پاکستان سے

لکھتے ہیں کہ ایک عرصے بعد رابطہ کررہا ہوں اس کی وجہ یہ ہے کہ کچھ ذاتی مصروفیات ایسی تھیں کہ میں اپنے شہر میں کم رہتا تھا اور وقت بھی کچھ اس تیزی کے ساتھ گزر جاتا ہے کہ ہم پکڑتے رہ جاتے ہیں لیکن وہ ہاتھ نہیں آتا، اب کچھ مہینے سے اپنے شہر میں ہی ہوں اور ایک ہوٹل کا کام شروع کردیا ہے ریڈیو ہمارا پورا ساتھی ہے جو ہمارے ساتھ ہمیشہ رہتا ہے ویسے بازاروں اور ہوٹلوں میں ریڈیو اور ٹی وی رکھنا بہت ضروری ہے اور اب تو لوگ ٹی وی کے سامنے زیادہ بیٹھے ہوتے ہیں کچھ سمجھ میں آئے یا نہ آئے دیکھتے رہتے ہیں، لیکن میں سمجھتا ہوں کہ ریڈیو آج بھی اطلاعات و معلومات کی فراہمی کا ایک بھر پور ذریعہ ہے۔ ریڈیو تہران میرا پسندیدہ ریڈیو اسٹیشن ہے اور میں ریڈیو تہران کا گمنام سپاہی ہوں، تمام نئے اور پرانے دوستوں کو سلام۔