ماجد علی جعفری - پاکستان
Dec ۱۱, ۲۰۲۰ ۱۸:۰۶ Asia/Tehran
یہ خط ارسال کیا ہے پاکستان کے صوبے پنجاب کے صدر مقام لاہور سے ماجد علی جعفری صاحب نے لکھتے ہیں
آج کے مشینی دور میں ریڈیو کی کسی کے سامنے بات کی جائے تو وہ تعجب سے دیکھنے لگتا ہے اور فکر میں ڈوب جاتا ہے کہ یہ صاحب آج بھی ریڈیو کی بات کررہے ہیں لیکن حقیقت یہ ہے کہ ہم نے ایک مفید اور فکری صحت افزا ٹیکنالوجی کو فرسودہ بنا کر پیش کرنا شروع کردیا ہے۔ بات کی جائے ریڈیو تہران کی تو میری نظر میں سیاسی ، اخلاقی اور مذہبی معلومات کی فراہمی کے اعتبار سے اس کا کردار نہایت ہی مقدس ہے ۔
میں عرصہ دار سے ریڈیو تہران کی نشریات سن رہا ہوں اور ریڈیو کے پروگرام میں یکسوئی اور اپنے اصولی موقف پر باقی رہنا ریڈیو تہران کا خاصہ ہے۔
چالیس سال سے زیادہ کا عرصہ گزر رہا ہے ریڈیو تہران نے اپنے اصولوں پر سمجھوتہ نہیں کیا اور سامعین کی بلا کسی مذہب و ملت سامعین کی فکری تربیت کا سامان فراہم کیا ہے۔ پروگرام اسلام کی معرفت ہو یا افکار و نظریات پروگرام دریچے ہو یا مینارہ نور پروگرام انداز جہان ہو یا زاویہ نگاہ سب کے سب بہترین اور لاجواب ہیں جبکہ ریڈیو تہران کے خصوصی پروگراموں کا تو کیا ہی کہنا ہے۔ گفتگو کچھ زیادہ ہوتی جارہی ہے معذرت چاہتا ہوں مزید باتیں بعد میں ہوں گی۔
