SAHAR

یہ خط ارسال کیا ہے عالمی متحدہ لسنرز تنظیم اف پاکستان کے صدر چودھری فہیم نور صاحب نے

انہوں نے بھی ایران کے اسلامی انقلاب کی بیالیسویں سالگرہ کی مناسبت سے مبارک باد پیش کرتے ہوئے لکھا ہے کہ ایران کے اسلامی انقلاب نے خطے اور عالمی سطح پر اتحاد بین المسلمین کے لئے جو کام انجام دیئے ہیں اس نے سامراجی طاقتوں کے مسلمانوں کے درمیان اختلافات پھیلانے کے منصوبوں کو خاک میں ملا دیا ہے ۔ لیکن ہم دیکھ رہے ہیں کہ امریکہ ، اسرائیل اور بعض علاقائی عرب ممالک آج بھی مسلمانوں کے درمیان اختلافات بھڑکانے کی کوشیشوں میں مصروف ہیں۔ بانی انقلاب اسلامی حضرت امام خمینی رح نے نہایت بصیرت کا مظاہرہ کرتے ہوئے فرمایا تھا کہ شیعہ اور سنّی کے درمیان اختلاف پیدا کرنے والے نہ شیعہ ہیں سنّی بلکہ دشمنان اسلام کے ایجنٹ ہیں۔ چودھری فہیم نور صاحب مزید لکھتے ہیں کہ ایران کے اسلامی انقلاب نے مسلمانوں کے درمیان اتحاد و یکجہتی کی فضاء قائم کرنے کے لئے شعور پیدا کیا ہے۔ آج ہر ذی شعور انسان مسلم امہ میں باہمی اخوت اور بھائی چارہ برقرار رکھنے کے لئے قدم بڑھا رہا ہے ، لیکن دشمن طاقتوں کو یہ گوارہ نہیں ہے اس لئے وہ مسلم امہ کا شیرازہ بکھیر نے کی فکر میں رہتی ہیں۔ فہیم نور صاحب نے یہ خط بڑی تفصیل سے لکھا ہے اور اس خط کے چیدہ چیدہ نکات کو ہم پروگرام میں شامل کیا ہے۔ انہوں آخر میں ایران کے اسلامی انقلاب کی سالگرہ کی مناسبت سے رہبر انقلاب اسلامی حضرت آیت ا۔۔۔ العظمی خامنہ ای اور ایرانی قوم کو مبارک باد پیش کی ہے۔