SAHAR

یہ خط ارسال کیا ہے عمار حیدر صاحب نے کریلی کالونی آلہ آباد یو پی ہندوستان سے

لکھتے ہیں کہ ریڈیو تہران اپنی نشریات میں سامعین کے لئے اچھے سے اچھے پروگرام پیش کرنے کی سابقہ روایت کو قائم رکھے ہوئے ہے اور ہمیں ریڈیو تہران کے پروگرام سن کر اچھی معلومات حاصل ہوتی ہے ، سیاسی پروگرام ہوں یا سماجی اور اخلاقی پروگرام، تاریخی و مذہبی پروگرام ہوں یا قرآنی معلومات پر مبنی پروگرام ریڈیو تہران معاشرتی علوم کے تمام موضوعات کا احاطہ کیئے ہوئے ہے۔ کورونا کی شدت میں اضافہ ہورہا ہے اور گزرتے دن کے ساتھ کیسز اور اموات میں بھی اضافہ ہوتا جارہا ہے۔ آپ بھی ہمیشہ پروگرام بزم دوستاں میں کورونا وائرس کے حوالے سے احتیاط برتنے پر تاکید کرتے ہیں اور میری بھی تمام سامعین دوستوں سے درخواست ہے کہ اپنا اور اپنے اہل خانہ کا بہت خیال رکھیں۔ اللہ پاک ہم سب کی حفاظت فرمائے۔