SAHAR

یہ خط ارسال کیا ہے ہندوستان کے زیر انتظام کشمیر سے سید حسن موسوی نے لکھتے ہیں کہ

ریڈیو تہران کی نشریات پابندی کے ساتھ انٹرنیٹ کے ذریعے سن رہا ہوں اور میری کوشش ہوتی ہے کہ ریڈیو تہران سے نشر ہونے والے سارے پروگرام سنوں لیکر خبروں اور سیاسی حالات کے پروگرام تک تو ضرور سنتا ہوں لیکن بقیہ پروگراموں کو اپنی مصروفیات دیکھ کر سنتا ہوں اگر فری ہوتا ہوں تو سن لیتا ہو اور اگر مصروف ہوں تو بعد میں اپنا پسندیدہ پروگرام آرکائیو کے ذریعے سن لیتا ہوں ، ریڈیو تہران سے نشر ہونے والے سبھی پروگرام ہمیں پسند ہیں لیکن بعض پروگرام اپنے خاص موضوعات کی بنا پر بہت معلوماتی ہوتے ہیں ، پروگرام خلقت کی رعنائياں ، نور ایمان، اسوۂ بشریت، درخشاں ستارے اس کے علاوہ خصوصی پروگراموں پر بھی ریڈیو تہران خاص توجہ دیتا  ہے اور مختلف مناسبتوں پر پیش کیئے جانے والے خصوصی پروگرام بہت ہی معلوماتی ہوتی ہیں جن ماہ رمضان کے پروگرام، یوم القدس کے خصوصی پروگرام، اس کے علاوہ غزہ پر صہیونی جارحیت کے عنوان سے پیش کیئے جانے والے خصوصی پروگرام بہت اچھے معلوماتی اور جدید ترین حالات کی بنیاد پر تیار کیئے گئے، خیر انٹرنیٹ اور سوشل میڈیا کے اس دور میں جہاں لوگ کہتے ہیں کہ ریڈیو اب گم ہوگیا ہے اور تصویری انداز لوگوں میں معروف اور پسندیدہ ہے ، میرا کہنا یہ ہے کہ ریڈیو کے افادیت کسی صورت کم نہیں ہوسکتی ، ریڈیو زندہ اور اور زندہ رہے گا۔ ریڈیو کے تمام دوستوں کو میرا سلام۔